HINDI halos makapaniwala si Ninia sa narinig. Kaya pala bigla na lang nagalit si Alexis sa kanya noon. Kaya pala takang-taka siya kung ano ang nagawa niyang kasalanan dito para pagkatapos na sabihing mahal siya ay basta na lang ito naglahong parang bula. Napaisip siya ng bongga dahil hindi talaga niya alam ang sinasabi nito. May isang pagkakataon na naaalala nga siyang umuwi siya noon sa bahay na tinutuluyan nila ni Mica pero ni hindi niya nakita ang anino ni Anthony. Kaya paanong mangyayari ang sinasabi ni Alexis na hinahalikan pa siya ng dating manliligaw? Isa pa ay hinding-hindi siya magpapahalik dito kung sakali.
Totoo man iyon o hindi, iba na ang sitwasyon nila ngayon. Marami ng nangyari at unti-unti na siyang nasanay na wala na ito sa buhay niya. At higit sa lahat, nandiyan na si T
