MULA sa kalahating araw na pakikipag-meeting ay nasumpungan ni Alexis ang sarili na nasa labas ng gate ng bahay nina Ninia. Nagpatanghali siyang talaga ng alis sa mansyon dahil inaabangan sana niya ang pagdating nito pero matapos tumawag ng dalaga sa Mama niya, at sabihing hindi ito papasok ay umalis na rin siya. Dumiretso siya sa munisipyo at tinapos ang mga kailangan niyang gawin pero ang isip niya ay lumilipad. Iniisip niya ang narinig na pag-uusap ng ina at ni Ninia na masama ang pakiramdam nito kaya hindi nakabalik sa bahay nila. Alanganin pa siya noong una dahil mukhang walang tao sa bahay. Pero matapos ang ilang ulit na pag-doorbell ay nakita niyang sumilip sa bintana si Ninia na mukhang kagigising lang, na ngayon nga ay binubuksan na ang gate para sa kanya.
"Good afternoon." Hind
