NAPALUNOK si Ninia dahil sa gustong tumbukin ng salita ni Alexis at hindi niya nagustuhan ang ibig nitong sabihin. Alam niya at sigurado siyang si Travis ang pinatutungkulan nito bagay na unfair naman para sa binata. Kaya lang naman ito naroon ay dahil sa imbitasyon ni Mrs. Villarubin pagkatapos ay mapaparatangan pa ito ng hindi maganda. Ang buong akala niya ay magagalit si Travis pero sa halip ay inihit pa ito ng tawa dahil sa paratang ni Alexis.
"Lex, stop it! Hindi ganoong klaseng tao si Travis kung siya ang tinutukoy mo," hindi napigilan niyang sabi sabay lapit sa kaibigan. Napatingin sa kanya ang lahat ng naroon partikular ang mga pulis na nag-iimbestiga. Katahimikan ang sumunod na namayani pero nanunuot ang titig ni Alexis sa pinararatangan. Bagaman kilala niyang hindi mapanghusga
