NINIA
Halos magkandarapa siya nang sa wakas ay makalabas ng kanyang kwarto. Hindi niya malaman kung saan unang pupunta dahil hanggang nang mga oras na iyon ay nangangatog pa rin siya. Naaalala niya si Alexis. Ayaw niya itong iwan pero sa tingin niya ay mas gusto nito na itong mag-isa lamang ang naroon kaysa silang dalawa pa. Isa pa ay bakas na sa mukha nito kanina ang pagkapikon sa kanya. Lakad-takbo ang kanyang ginawa. Naisip niya bigla ang sinabi ng lalake kanina na may iba pa itong kasama na pwedeng sa mga oras na iyon ay pagala-gala sa kabuuan ng mansyon. Kung gano'n ay kailangan pala niyang magmadali. Kailangang masabihan niya ang mga magulang ni Alexis na mayroong masasamang tao ang nakapasok sa bahay ng mga ito. Sana lang ay hindi pa siya huli. Huwag naman sanang iadya ng Panginoo
