ALEXIS
NAG-UUMPISA na siyang magtaka dahil hanggang nang mga oras na iyon ay hindi pa rin bumabalik si Ninia. Tapos na ang misa at malapit ng maghapunan ay wala pa rin ito kaya hindi na siya nakatiis. Nagpasya siyang tumayo para sundan ito.
"Saan ka punta, hijo?" tanong ng Mama niya nang mapansin ang kanyang pagtayo. Napatingin siya sa may gawi ni Travis na nang mga sandaling iyon ay nakatingin din pala sa may gawi niya. Ilang sandaling nagkasukatan sila ng tingin hanggang sa siya na ang unang nagbawi ng mata. Alam niyang may espesyal na pagtingin dito si Ninia at masakit iyon para sa kanya.
"May kukunin lang ho ako sa kwarto ko, Mama," sabi niya bago tuluyang tumalikod.
Ang totoo ay wala naman talaga siyang kukuhanin doon. Sadyang hindi lang niya maipaliwanag ang dahilan kung baki
