BALOT ng takot ang kanyang dibdib habang nakatitig sa lalakeng nasa loob ng kanyang silid nang mga oras na iyon. Palakas ng palakas ang kabog ng kangyang puso habang tila nakikipagpatintero sa lalake para lang makaiwas dito. Hindi niya malaman ang gagawin. Gustuhin man niyang lumabas na lang ulit ay hindi niya magawa dahil siguradong in-lock na ng lalake ang pinto. Nakaramdam tuloy siya ng pagsisisi kung bakit umalis pa siya sa sala ng mansyon. Kung sana'y nanatili na lamang siya roon ay wala siya sa sitwasyon niya ngayon. Batid niyang anumang oras ay panginginigan na siya ng laman at unti-unti siyang panghihinaan ng loob. Hindi niya alam pero naisip niyang masyado yata siyang malas dahil ilang beses ng nanganganib ang kanyang buhay sa kamay ng mga mapagsamantalang tao. Una ay sa kamay ni
