ALAS SIYETE nang ganap na mag-umpisa ang misa na ginanap sa mismong garden ng mansyon ng mga Villarubin. Nasa unahang bahagi ang mga magulang ni Alexis katabi ang mga kasama ng pari. Sila nina Alexis at Travis ay magkakatabi sa likod ng mga ito. Nakapagitna siya sa dalawa. Mataman siyang nakikinig sa pari kaya hindi niya pansin na si Alexis ay wala roon ang atensyon kung hindi nasa kanya. Pabalik balik ang mga mata nito sa mukha niya at sa kamay niyang hawak-hawak ni Travis mula pa kanina. Tiim-bagang din ang alkalde. Balak sana nitong pumagitna sa kanila ni Travis pero naunahan niya itong tumabi sa binata.
"Kapag may desisyon ka sa buhay, huwag kang mangimi na subukan. Wala namang mawawala kung bibigyan mo ng pagkakataon ang sarili mo lalo na at doon ka sasaya," madamdaming sabi ng pari
