Hakan's POV
Bumalik nga ng mga bandang hapon ang mga magulang ni Maria Vaniella para maging karelyebo ko sa pagbabantay sa kaniya. Dismayado man ako sa pinapakitang attitude ni Daddy V sa akin ay hindi ko na lang ito masyadong inintindi. Kibuin-dili niya ako, hindi naman ganito ang attitude niya kanina nang mag-usap kami ng masinsinan. Akala ko ay okay na ang naging usapan namin kanina, mukhang hindi pala dahil parang mas nadagdagan ang inis na nadarama sa akin ni Daddy V ng hindi ko nalalaman. Inaamin ko naman na kasalanan ko naman kung bakit na-disappoint sa akin ang matandang lalaki na dati ay giliw na giliw sa akin at laging ipinagduduldulan sa akin ang kaniyang anak para lang matupad ang pangarap nila ni Daddy. Ngayon ay parang gusto na niyang bawiin ang mga napagkasunduan nila noon
