KABANATA 20:
MATAPOS LUMABAS NG kwarto, hindi na bumalik si Matias. Hanggang ngayon, hindi ko alam kung bakit siya lumabas at kung bakit hirap na hirap siya. Wala na rin siya nang magising ako, ang sabi ni Mommy Giselle, umalis na raw at nagpunta sa Manila para asikasuhin ang kanyang kumpanya.
Si Matias ang C.E.O ng sarili niyang kumpanyang gumagawa ng alak– iyon ang Iba Wine Distillery. Orihinal na wines lang ang ginagawa nila noon ngunit sa paglaon ay lumago iyon at nag-produce na sila ng iba’t ibang alak. Nagtataka nga ako kung sino ang namamahala ng kumpanya niya kapag wala siya sa Maynila, iyon pala ay si Sera. Siya ang President at second in command sa kanila. Masasabi kong napakayaman ng pamilya ng mga Ibarra ngunit hindi sila kagaya ng ibang pamilyang ipinamamana ang kumpanya sa
