KABANATA 48:
“SIGURADO AKONG SI Demetrious Ibarra talaga ang pumatay sa babaeng natagpuan sa Bar. Hindi na umusad ang kaso at hanggang ngayon ay hindi pa rin matahimik ang nagluluksa niyang pamilya. Dapat lang na nasa kulungan na siya, pero hanggang ngayon ay laya pa rin,” mariing sabi ni Paul sa akin.
Imbes na dumiretso sa mansyon ng mga Ibarra, dumiretso kami sa isang mumurahing karinderya sa isang liblib na lugar. Sa paraang ito, kaunti lang ang maaaring makakilala sa amin.
“Hindi kita maintindihan e. Bakit mo ba siya idinidiin? Wala naman kayong matibay na ebidensyang siya nga ang gumawa.”
Paul sighed. Dinampot niya ang mainit na kapeng 3-in-1 na ipinagtimpla pa ng tindera.
“Alana, alam kong wala kang tiwala sa akin dahil ang tatay ko ang nagpalaya sa kanya noong sa Mama mo, pero
