KABANATA 47:
Alana Mariz Ruiz’s POV:
SIGURADONG-SIGURADO SI Kim na pakana iyon ni Demetrious. Hindi ko iyon inisip no’ng madisgrasya ako, pero si Kim iyon kaagad ang naisip.
“Girl, nakita ko kung paano ka sinadyang sagasaan no’ng motor! At bakit walang plaka ang motorsiklong ‘yon? My gosh! Iyan na nga bang sinasabi ko, dapat kasi dumaan na lang kayo sa tamang proseso!” bulalas niya.
“Baka naman hindi sinasadya…” mahinang sabi ko.
“Sa tingin ko rin, pamangkin. Sa tingin ko tama ang sinasabi ni Kim,” ani Auntie Thelma.
Hindi ako nakapagsalita. Nakita kong dumiretso sa akin iyong motor pero hindi ko nakita kung sinadya ba o hindi dahil nasilaw ako sa liwanag ng headlight. At imposible rin naman na si Demetrious iyon dahil ang tanda na niya para mag-motor!
“Pero… hindi ba parang ang ta
