KABANATA 24:
“BAKIT N’YO HINUHULI si Dad?” ma-awtoridad na tanong ni Matias.
Pare-pareho silang napatingin sa direksyon namin. Kita sa mukha ni Mommy Giselle na naginhawaan siya nang makita si Matias dahil mukhang naiipit na siya sa sitwasyon. Sa tatlong pulis na naroon, si Paul ang pumukaw ng aking pansin.
“Paul!”
Nauna na akong lumapit sa kanila at hinarap si Paul. “Anong meron? Bakit n’yo hinuhuli ang…” Nag-angat ako ng tingin kay Demetrious na walang kibong hawak ng dalawa pang pulis. “Byenan ko?”
Marahang tumango si Paul at saka naglahad ng kamay sa akin. “Police investigator Paul Palacio, ma’am,” mariing pagpapakilala niya.
Kukunin ko sana ang kamay niya para tanggapin ngunit hindi iyon natuloy nang may tumapik sa kamay niya. Matias was now standing beside me, he looks mad.
“W
