Chapter 76
ITINAKBO sa hospital si Bible at diniretso si Bible sa emergency room. Noong dumating sina Leah at Jonas nakita nila sina Keith sa labas ng emergency room. Nakatanggap sila ng tawag mula kay Raphael at nasa hospital nga sila.
Napatakip ng bibig si Leah after makita si Keith na balot ng dugo at balisa. Wala doon si Bible ibig sabihin ito ang nasa loob ng emergency room.
Agad na lumapit si Leah at hinablot ang kwelyo ni Keith. Sumigaw ito at tinanong kung anong nangyari kay Bible.
Umiyak ang babae. Hindi nagawa ni Keith makasagot at hinila ni Jonas si Leah palayo kay Keith. Pinakalma ng lalaki si Leah na walang nagawa kung hindi umiyak after malaman ang nangyari.
Sunod na dumating sina Ella kasama sina Jethro. Nanlalaki ang mga mata nito after makita ang tiyura ni Keith.
