NANLALABO ang mga mata ni Vance na iminulat ang mga mata. Sinubukan niyang galawin ang mga kamay, ngunit parang may pumipigil doon. Mariing muli niyang ipinikit ang mga mata at muling dumilat. Sa pagkakataong ito, luminaw na ang paningin niya. Pinilit niyang igalaw ang ulo para tumingin sa paligid.
Sa tanya niya, nasa isang barong-barong siya. Naririnig din niya ng mga huni ng mga ibon na nangagaling mula sa labas. Bakit parang pamilyar sa kanya ng lugar na ito?
Sinubukan niya muling igalaw ang mga kamay pero may tila nakadagan pa din doon. Kahit ang mga binti niya ay hindi niya maigalaw. Nang maramdaman niyang may paparating, muli niyang ipinikit ang mga mata at nagkunwaring natutulog pa din. Narinig niya ang pagbukas ng pinto at ang mga yabad na humakbang papasok.
"Pitong buwan na ang
