Wala halos nagawa si April sa bahay ni Hailey habang kasama niya ito. Sa buong oras na kasama niya si Hailey, wala itong ginagawa kung hindi ang tratuhin siya na para bang bata. Ayaw talaga siya nitong pakilosin kahit na magwalis man lang o maghugas uli ng plato na muli nilang kinainan noong dumaan ang tanghalian at meryenda.
Kaya wala na rin siyang nagawa nang sumaktong alas otso ay nakaupo pa rin siya sa malaking couch nila Hailey habang hawak ang isang controller at bored na nakatitig sa screen ng malaking flat screen television kung saan kalaban niyang naglalaro si Hailey ng video games.
“Oh , come on,” nagrereklamong sabi ni Hailey bago nito bagot na ibinaba ang hawak nitong controller at nilingon siya. “You are no fun.”
Medyo asar na tumawa si April. It’s not my fault that I’m n
