Natapos ang kanilang dinner na masaya ang atmosphere dahil na rin sa pagiging makulit ni Hannah at Gerald kahit na ramdam pa rin ni April ang tension sa kanilang tatlo. Lalo pa at hindi rin nawawala sa mukha ni Hailey ang pagkainis nito sa ex-boyfriend niyang si Julian na tila may balak pa yata siyang ipahamak sa kamay ng mga fans nito.
Hindi niya masisisi ang nararamdaman ni Hailey dahil kahit siya ay nagngangalit ang kalooban. Mapapalampas niya na sana ang hiwalayan nila dahil sa kalandian ni Julian at kakalimutan na may ebidensiya siya ng kababuyan nito sa kung sino-sinong babae kasama na ang kilalang artista ngayon na si Macy Perada.
Wala na siyang balak maghiganti kagaya ng unang beses na tumakbo iyon sa isipan niya noong mahuli niya si Julian na inuwi si Macy Perada sa kung saan da
