"Kuya, i-ikaw pala!"
Kumunot ang noo ni Conrado habang tinitingnan ang mukha niya. Pinagmasdan siya ng lalaki mula ulo hanggang paa. Nakasuot siya ng fitted white shirt at baby pink hip pleat skirt.
"Bakit ang ikli niyang suot mo? Di ba binilhan na kita ng mahahabang palda?" Mas lalong lumalim ang gitla sa noo ng binata.
Pinasadahan ni Ahnia ng tingin ang sarili. "But this is already above the knee. I cut it short kasi it's too long, e."
Mariing napapikit ng mga mata si Conrado. Magsasalita sana ito ngunit bigla naman sumingit ang babaeng naabutan nitong kausap ni Ahnia.
"Nako, maganda naman ang kapatid mo, iho. Hayaan mo na. Bagay naman sa kaniya ang maikli. Ang puti at ang kinis ng legs niya."
Ngumiti si Ahnia sa babae. "Oh, thanks, Ate Nadya."
Tumango nang paulit-ulit si Nadya.
