Hindi na niya hinintay pa na makapagsalita itong muli. Mabilis niyang tinalikuran ang lalaki at muling nagsimulang maglakad, pero mariin siyang pinigilan ni Anjo sa kamay.
"Sandali! Delikado, Ahnia! Hindi ba kayo nagtagpo ni Mang Gado?"
Nilingon niyang muli ang lalaki sa narinig. Mabilis na bumalik sa isipan niya si Conrado.
Marahas siyang umiling. "Hindi! Sa gubat ako dumaan. H-hinahabol ako ni Mariah!"
"Ano!" tila gulat na gulat na tanong nito.
Muli niya itong tinalikuran at nagmamadaling tumakbo. Sumunod naman sa likuran niya si Anjo.
Nang tuluyan nilang marating ang ilog, buong tapang niya itong tinawid. Ni hindi na niya inalintana ang paa niyang nagkasugat-sugat sa mga batong naaapakan niya. Nang makatawid ay habol-hininga niyang nilingon si Anjo.
Ganoon na lamang ang panlalaki
