Patakbo itong lumapit sa kalahating katawan at ibinuhos ang lahat ng mga bubog sa loob ng katawan nito. Paulit-ulit iyon ginawa ni Abrenico hanggang sa mapuno ng bubog ang ibabaw na bahagi ng katawan ng halimaw.
Lumapit si Ahnia sa kaniyang ama. "Kahit makabalik pa siya rito, hindi na niya mababalikan ang kalahating katawan niya. Mamamatay lang siya kung pipilitin niyang ipagdugtong uli ang kaniyang katawan."
Mula sa mga bubog na nasa katawan ni Mariah ay binaling niya ang tingin sa bilugan at kulay puting orasan na nakasabit sa pader ng sala. Malapit nang sumapit ang umaga. Halos isang oras na lang ay sasabog na muli ang liwanag sa buong paligid.
Isang dasal ang inusal ni Conrado habang nakatitig sa mahabang kahoy na matulis ang dulo. Mabuti na lamang at lagi niyang dala-dala ang patal
