Dani's POV
Dumating na ang mga magulang ni Lucas buhat sa matagal na pagbabakasyon. Nagpaalam ako sa kanila na uuwi muna sa aming bahay dahil nami-miss ko nang makasama ang aking pamilya. Ayaw namang humiwalay ni Sage sa akin at nagpumilit ito na sumama sa pag-alis ko kaya ipinaalam ko iyon kay Lucas na agad namang pumayag. Bakasyon naman nila sa eskuwela ngayon kaya walang problema.
Magkasundong-magkasundo si Estella at Sage minsan pa nga ay dito tumatabi ang bata sa pagtulog. Spoiled na spoiled naman siya sa mga lolo niya, may dalawa ba naman siyang lolo dito sa bahay. Magkatulong pa ang aking ama at si Tatay Andres, ginawan nila ng tree house si Sage sa likod bahay, doon sila madalas magtambay ni Estella. Ang kapatid ko naman kasing iyon ay kahit disisais anyos na ay isip bata parin,
