Mabibilis ang mga hakbang ni Dani, lakad takbong hinabol siya ni Estella.
"Ate, hintayin mo ako!" sabi nito, humahangos na lumapit kay Dani, kumapit siya sa braso nito para hindi na siya maiwan. Lito ang isip ng kaniyan Ate Dani ngayon at natatakot siyang baka bigla na lamang itong matumba habang naglalakad dahil sa matinding tensiyon.
Nasa loob na ng ospital ang dalawa, agad nilang hinanap ang kinaroroonan ni Lucas. Nasa ICU ito.
Sinalubong agad si Dani ng doktor na tumitingin sa kaniyang asawa.
"Mrs. Lagdameo, mabuti at dumating ka na, kanina ka pa namin hinihintay. You need to sign the waver, hindi na pwede pang patagalin, kailangan nang maoperahan ang pasyente," may halong pagmamadali na sabi ng doktor.
Ipinaliwanag nito kay Dani ang kondisyon ni Lucas. Habang pinakikinggan ni
