"Sage, are you ready?"tanong ni Lucas sa panganay na anak. Ihahatid niya ito sa eskuwelahan ngayong umaga. Kahit araw ng Sabado ay kailangan nitong pumunta sa paaralan dahil may practice ito ng basketball. Isa si Sage sa varsity player ng kanilang basketball team.
"Yes, Dad," mabilis na sagot ni Sage, bitbit nito ang itim na duffle bag sa balikat na naglalaman ng kaniyang mga pamalit na damit at towel na pamunas ng pawis, at sa kanang kamay ay may hawak naman itong malaking aqua flask.
"Okay, let's go," aya ni Lucas sa anak.
"O, teka lang! Aalis na kayo? Paano naman ang kiss ko?"
Sabay na napalingon ang mag-ama sa humahangos na si Dani.
"Oo nga naman. Anak, bakit ba nakalimutan natin ang kiss para sa mommy mo?" kakamot-kamot ang ulo na tanong ni Lucas.
Napangiti naman si Sage, lumap
