Hindi napigilan ni Mara ang pagrigodon ng kaniyang puso nang tumigil ang sinakyang taxi sa tapat ng mansiyong pag-aari ni Xander sa Makati. Ito ang unang beses na aapak siya dito.
Pero suportado ni Elise ang balak niyang pagsusuyo sa kapatid nito, kaya may dala-dala siya ngayong susi ng bahay ni Xander. Ayon kasi sa kaibigan niya, pinagpahinga na raw ni Xander ang mga kasama sa bahay, para makapagmukmok ito.
Hindi niya alam kung haharapin ba siya ng binata. Pero gagawin niya ang lahat para makabawi kay Xander. Dahil baka kapag nagpatumpik-tumpik pa siya, baka mawala na naman ulit ito sa kaniya.
Baka sa pagkakataong ito ay tuluyan na talaga itong maagaw ng iba. Kasi sa panahon ngayon, bihira na makatagpong karibal na katulad ni Abigail.
Humugot muna ng malalim na hininga si Mara binu
