Nagising si Mara sa mainit at mabangong hininga na sumasamyo sa kaniyang mukha. Dahan-dahan niyang iminulat ang kaniyang mga mata. Napangiti siya nang makita ang nahihimbing na si Xander. Wala talagang kasing-sarap gumising ng katabi ang mahal mo.
Hindi napigilan ni Mara ang sarili na haplusin ang maamong mukha ng binata. Ngunit naalarma siya nang bigla itong gumalaw at unti-unting nagdilat ng mga mata. Ilang segundo itong napatitig sa kaniya, bago magkaroon ng rekognisyon sa mukha.
Napabalikwas ito ng bangon. "Mara!" Ilang beses nitong inihilamos ang mga kamay sa mukha, na parang sinisigurado kung totoo ba siya o panaginip lang. "Damn. What are you doing here?"
Napayuko si Mara. "N-nabalitaan ko kasi ang ginagawa mong pagsira sa buhay mo. I...I just wanted to help you."
"Tulong
