Ayaw ko mang dibdibin ang mga sinabi ni Kristal, hindi ko mapigilan. Dahil doon, hindi na mawala-wala ang abnormal na pagtibok ng aking puso dahil sa anxiety. Sumusumpong na naman ito, kaya nangangatog na naman ang aking katawan.
Ilang oras akong nakatulala habang nakaupo sa sofa, habang patuloy at paulit-ulit na nagpe-play na parang sirang plaka ang mga sinabi niya.
Huminga ako nang malalim upang pakalmahin ang aking sarili.
Nag-iimbento lang siguro siya. Halata namang malaki ang pagkagusto nito kay Darius. Isa siyang desperadang babae, pangungumbinsi ko sa aking sarili.
Pero paano kung totoo nga ang sinasabi niya?
Sumasakit tuloy ang dibdib at ulo ko dahil doon.
Gusto kong umiyak, pero wala namang tumutulong luha. Nababaliw na ako.
Nanood ako ng tragic na love story para la
