PAGKALABAS ko ng bahay ni Darius, agad akong sumakay ng sasakyan. Huminga ako nang malalim habang pilit na pinapakalma ang aking sarili, upang makapag-isip ng maayos.
"Saan po tayo, Ma'am?" tanong ng driver.
Saan na ako pupunta ngayon? Uuwi pa ba ako sa mansyon ng mga Antonio, pagkatapos ng lahat ng nalaman ko?
"Just drive," utos ko habang iniisip kung saan ako pupunta.
Mariin akong pumikit. Walang kahit na ano na pumapasok sa aking isipan, bukod sa mga bagay na pinakita at sinabi sa akin ni Kristal. Gulong-gulo ako ngayon dahil sa mga nalaman ko.
Umalis ako ng mansyon kanina na buo at masaya pero umalis ako ng bahay ni Darius na durog na durog.
Sobrang sakit.
Napahikbi ako nang hindi ko na makayanan pa ang tindi ng sakit na nararamdaman ko sa aking dibdib.
Malakas akong um
