"Sa likod tayo ng terminal dumaan. Huwag sa harapan," sabi ng driver.
Ilang beses siyang lumiko bago niya tuluyang hininto ang kaniyang sasakyan.
Pakiramdam ko hindi na kami nasundan ng mga tauhan na humahabol sa amin.
Sinira ko na din ang simcard ko. At ang celphone ko naman ay hinagis ko kanina sa daan, upang hindi na nila ako ma-trace pa.
Bumunot ako ng one thousand five hundred mula sa aking sling bag at inabot ito sa driver.
"Kakailanganin mo ng pera, lalo at hindi mo alam kung saan ka pupunta," sabi niya. Ang limandaan lang ang kaniyang kinuha.
"Teka, kunin mo din pala ito..." aniya bago yumuko.
Mula sa bag niya na nasa tabi ng kaniyang paanan kinuha niya ang isang balabal.
"Sa misis ko iyan. Sa'yo na. Kakailanganin mo iyan," aniya.
Hindi na ako nag-alinlangan pa. A
