NAG-PANIC ako pero pinilit kong maging kalmado. Kung magsisigaw ako, tiyak na maiirita sila at gagawan ako lalo ng masama.
Tahimik akong umiyak habang taimtim na nagdadasal para sa aking kaligtasan.
Ang baby ko.
Iniisip ko kung ano pa ba ang saysay ko sa mundong ito nitong mga nakaraan. Ngayon, may sagot na ako doon.
Kailangan kong magpatuloy at mabuhay para sa aking anak.
"S-Sino po kayo? S-Saan niyo ako dadalhin?"
Pinakalma ko ang aking sarili, kahit na nanginginig ang aking katawan dahil sa matinding kaba at takot.
"Please, huwag niyo po akong sasaktan. Buntis po ako," pakiusap ko sa kanila.
"Manahimik ka," seryosong utos sa akin ng lalake na katabi ng driver.
"Hello, boss. Nakuha na namin siya. May bonus pa. Buntis pala ito, e. Dinadala niya ang anak ng Antonio."
Sum
