Tinikom ko ang aking bibig at piniling huwag na lang magsalita. Ngayon lang kami nagkita at nagkasama ng tunay kong ina, at ayaw ko na magkaroon kami agad ng hindi pagkakaunawaan dahil lang sa mga Cervantes na kaaway ng pamilya.
Kumain ako nang kumain. Lahat ng pinahanda niyang pagkain ay tinikman kong lahat.
Tumigil lang ako nang halos hindi na ako makahinga dahil sa sobrang pagkabusog.
Hinimas-himas ko ang aking tiyan.
"Nagustuhan niyo ba ang mga pagkain, babies?" Ngumiti sina Mommy at Tito Brad.
"Excited na ako sa mga apo natin," sabi ni Tito kay Mommy.
Mom giggled. Maging siya ay nakihaplos din sa aking tiyan, na akala mo pagkalaki-laki na. Ni hindi nga halata na buntis ako.
"Ang bata-bata mo po mommy para maging lola. Mukha lang kitang nakakatandang kapatid."
"Ganoon ta
