Chapter Ninety-three
Gemma
"D-ad?" kabado ako habang nakatitig sa amang nakaupo sa couch at halatang naghihintay. Sa gilid nito ay may tatlong maleta na alam kong pag-aari ko.
"Mabuti naman at nakauwi ka na, Gemma. Come here, anak," kalmado ito. Mas nakakatakot.
"What's going on, daddy?"
"What's going on? I don't know... baka ikaw alam mo."
"H-indi po. Hindi ko po alam."
"Really? Have a seat, hija."
"D-addy?" ani ko.
"Sit!" napaiktad ako sa gulat dahil sa lakas nang sigaw nito.
Nanginig agad ang tuhod at dali-daling naupo. "Nakahanda na ang gamit mo, Gemma. Ito na ang huling araw na tatapak ka sa bahay ko. Pati na sa bahay na tinutuluyan ninyo ni Nicholai. Off-limit ka na sa mga property ko."
Agad akong napatayo dahil sa narinig. Agad ding lumuhod sa harap ng aking ama.
