Chapter Fifteen
"Kady! Kadynce! Nandito na iyong delivery! Kady!" walang tigil sa pagkatok si Nanay Eleya sa pinto. Umikot pa nga ito at sumubok sa bintana. Hindi ko alam kung paano ko napipigil ang tawa ko habang halos mabaliw na ito matatawag sa akin. "Kadynce, nandito na! Iyong pambayad nasaan na. Gising! Gising, Kadynce!"
"Matagal pa po ba iyan? Baka naman po nangti-trip lang kayo? Ire-report ko kayo." Inis na ani ng rider.
"Sandali lang naman. Nakatulog iyong magbabayad. Ginigising ko lang."
"Ang dami ninyong in-order tapos wala pala kayong pambayad. Grabe naman kayo!"
"Kadynce!" halos sipain na rin ng matanda ang pinto. Para itong naiiyak na dahil sa kahihiyan at wala man lang guilt akong nararamdaman.
"Nay!" takang ani ni Evan na kararating. "Nasa labas pa lang ako'y rinig na
