Chapter Seventy-one
Evan
Pinagmamasdan ko ang orasan. Hindi ko na nabilang kung ilang beses ko nang ginawa iyon. Wala pa rin si Kadynce. Parang bumaliktad ang sitwasyon. Hindi na ang babae ang nagpapakapuyag sa paghihintay na makauwi ang asawa. Ako na ngayon ang nasa kalagayan ni Kadynce.
Ramdam na ramdam ko ang pagkainip. Hindi ko maiwasang pagdudahan ito. Pakiramdam ko'y ginagawa na rin niya ang ginawa ko sa kanya.
Lumabas ako't tumambay sa balcony. Natanaw ko pa si Manang Mariana sa balcony nila at mukhang nagpapahangin. Nang nakita ako nito ay agad itong tumayo at ilang saglit pa'y lumakad patungo sa akin.
Nang nakaupo na ito sa bakanteng upuan ay nagsalita ito.
"Bakit gising ka pa? May pasok ka pa bukas."
"Manang, hinihintay ko po si Kadynce. Hanggang ngayon ay wala pa po
