HINDI dalawin ng antok si Vicky habang nasa kuwarto siya at nakahiga sa kaniyang kama. Iniisip niya si Travis dahil inaapoy ito ng lagnat. Hindi niya ito p'wedeng pabayaan na lang.
Bumuga siya nang malalim at saka bumangon. Nagtungo sa kusina para kumuha ng bimpo at maligamgan na tubig para ipunas sa binata. Kumuha na rin siya ng gamot para ipainom dito. Inalalayan niya ang binata na makainom ng gamot bago niya punasan ang mukha nito.
Minu-minuto ay sinasalat niya pisngi ni Travis. Mainit na mainit pa rin ito at nanginginig sa lamig. Kumuha siya ng ekstrang kumot at ibinaloy iyon sa katawan ni Travis.
"Vicky..." Mahinang anas nito habang nagdedeliryo sa lamig.
"Shhh. Huwag ka nang magsalita pa. Matulog ka na lang, kasalanan mo ito dahil matigas ang ulo mo." Pinahid niya ang luha sa kan
