NAGMISTULANG stalker si Travis habang nakasunod sa kotse na minamaneho ni Akiro. Nasa kaniyang tabi si Suzi na kilig na kilig dahil sa pinaggagawa niya. Inaya niya itong makipag-date sa kaniya para masundan nila si Vicky sa pupuntahan nitong park.
"Matagal na bang nanliligaw ang payatot na iyon kay Vicky, Suzi?" seryoso niyang tanong habang nakatingin sa daan.
"Simula pa lamang noong college kami ni Vicky. Si Akiro ang hero ni Vicky sa university dahil maraming mga bully noon. At first love nila ang isa't isa."
Mabilis niyang nilingon si Suzi. "What? Akala ko ba ako?"
"First boyfriend ka ni Vicky pero ang first love niya ay si Akiro."
"Ganoon ba," nakasimangot na sabi niya.
"Travis, sagutin mo nga ako. Ikaw talaga ang ama no'ng baby na nalaglag ni Amanda?"
"Hindi ako sigurado. Ipina
