Palakad-lakad si Vicky sa loob ng kaniyang kuwarto. Hindi siya mapakali habang nakatingin sa bag niyang may laman ng isang dress na binili niya kahapon sa Mall. Ngayon lamang siya magsisinungaling sa kaniyang ina. Wala si Suzi at umuwi ito ng Maynila para bisitahin ang pamilya roon.
Iniisip ni Vicky ang mga maari niyang idahilan sa kaniyang ina. Tinignan niya ang wrist watch niya at alas tres y medya na. Kailangan niyang magpaalam rito dahil mayamaya lamang ay susunduin na siya ni Will.
Sumilip siya sa pintuan at nakita niya ang kaniyang ina na busy sa panunood ng game show ni Willie Revillame.
"Bayong! Bayong!" malakas na sigaw ng kaniyang ina habang hawak ang remote.
Nasapo ni Vicky ang noo habang nakatingin sa ina. Mayamaya ay lumundag ito sa saya dahil tila narinig ng contestant an
