ISANG linggo nang hindi pumapasok si Vicky sa paaralan para magturo. Naapektuhan ang kaniyang trabaho dahil sa nangyari sa kanilang mag-ina. Mabuti na lamang at tinanggap ng kanilang principal ang letter na ginawa niya.
Nakatingin siya sa malayo habang iniisip si Travis. Hanggang ngayon ay wala pa ring balita kung ano ang nangyari rito. Hindi pa rin nila alam kung buhay pa ba ito o patay na.
Nagluluksa si Vicky sa pagkamatay ng Nanay niya at sa pagkawala ni Travis. Gusto niyang umasa na isang araw ay dumating si Travis. Yayakapin siya nito at hihingi ng tawad sa lahat ng mga nagawa nito sa kaniya. Namimis na niya ang lalaking una niyang minahal.
Sa kaniyang pag-iisip ay hindi niya namalayan ang paglapit ni Suzi.
Nilingon niya ang umiiyak na kaibigan sa kaniyang likuran. Kasama nito si
