SI Travis na yata ang pinakamasayang lalaki sa buong mundo. Dahil nagkaroon siya ng isang mabait na asawa at mabubuting mga kaibigan na nakahandang sumuporta sa kaniya. Nakatingin si Travis sa kaniyang asawa na nakikipag-usap sa mga co-teachers nito na nasa kanilang bahay dahil ipinagdiriwang ni Vicky ang kaarawan nito. Naroon din ang kaniyang mga kaibigan sa Luna na masayang umiinom ng beer kasama niya.
"Binago talaga ni Vicky ang buhay mo, Travis. Hindi ka lang naging matino naging strict to one ka pa," biro sa kaniya ni Agent Sky. Ito ngayon ang partner ni Sir Yohan at hahalili sa pwestong iniwan niya sa Luna. Tuluyan na siyang umalis sa kaniyang serbisyo at tinupad ang kaniyang pangako kay Vicky.
"Malaki talaga ang nabago sa buhay ko mula nang dumating si Vicky. Salamat sa pagpunta
