Sumunod sa akin si Raiden. Mukhang hindi niya napansin ang tatlong lalake na nagduduyan, dahil niyakap niya ako mula sa aking likuran.
Nagsipag-tikhim naman ang tatlo kaya mabilis siyang lumayo sa akin.
Dinig ko ang mahinang pag-usal niya ng mura.
"Ano? Parang hindi kayo masaya na nandito kami, ah."
Umirap ako. Akala ko talaga hindi sila sasama dito. Nagpahuli pa talaga sila ng alis. Hindi na lang sila sumabay sa amin kanina.
"Baka kasi buntisin mo na naman ang kapatid namin. Hindi mo alam kung gaano siya nahirapan noon sa pagbubuntis niya sa kambal." At mukhang nandito lang sila para manira ng bakasyon.
Sumimangot ako. "Nakahiga lang siya noon sa kama. Nakaratay. Sumabay pa iyong deppression niya. Can you imagine that?"
Naging seryoso ang mukha ni Raiden. Hanggang sa nabahira
