Paglabas nina Angel at Dexter sa elevator ay tila nais magsisi ni Angel sa pagsama sa lalo. May kabang umahon sa dibdib lalo at mapapag-isa sila nito.
"Dexter, tutal ay malapit na tayo sa unit mo, siguro naman ay kaya mo na," aniya sa lalaki na kinamaang nito.
"I thought hindi ka nagmamadali, sabi mo pa nga ay naroroon si Marie," bulalas na tugon ni Dexter.
Halos mapangiwi si Angel sa narinig na katuwiran ng lalaki sa kanya.
"Ha? Uhmmm, naalala ko kasing may kakausapin akong kliyente," kaila niya sa lalaki.
Tumiim ang titig nito sa kanya na tila naghihinala.
"Sorry, talaga kung hindi na kita masasamahan pa, kung wala lang talaga akong meeting ay—" putol niyang wika nang marinig ang tinig ni Dexter.
"Iniiwasan mo ba talaga ako, Angel?" tanong nito dahilan upang matigilan siya. Hindi
