Isang taon din ang lumipas, maraming bagay ang nabago, halos naka-move on na ang lahat, nakapagbagong-buhay na si Nicholas kasama ang pamilya nito sa Amerika, gaya nang ipinangako nito sa asawang si Aless ay namuhay sila ang masaya at matiwasay. Naging maayos ang buhay nila roon, nagtayo si Aless ng isang vegan restaurant kung saan ay pinamamahalaan nilang mag-asawa.
Si Jessa naman ay sa probensiya na lamang piniling manirahan kasama ang anak, balak pa sana niyang sumunod sa Amerika pero pinigilan siya ng pinsang si Dexter dahil wala naman siyang mapapala kung ipaggigiitan ang sarili sa taong ayaw sa kanya. Napag-isip-isip rin naman niya na nakuha naman na niya ang nararapat sa kanya at sa anak. Siguro ay panahon na rin upang magbagong-buhay sa piling ng lalaking tanggap siya kahit sino
