Pinatunayan ni Dexter ang sarili kay Trevor at talaga namang naglaan ito ng sapat na panahon upang kunin ang loob ng anak, masalimuot at hindi madali ang pinagdaanan nito upang maproseso ang mga sapat na papeles upang makuha ang anak sa Amerika.
Naging mahirap man kay Trevor na mawala sa kanya ang batang inakala niyang anak pero sa tulong ng anak na si Tiffany ay nawawala ang lumbay niya lalo na at tuluyang nakabangon ang kompanya niya. Hindi niya aakalain na makakarating pa abroad ang produkto nila kaya sa kabila ng pag-alis ni Tamara sa poder ay napapalitan naman 'yon ng tagumpay na hatid ng negosyo at sana na hatid ng anak na si Tiffany.
Kamay sa balikat ang gumambala sa kanya, mula kasi nang makuha ni Dexter ang anak ay bumalik na siya sa poder ng magulang.
"Anak, ayos ka lang ba?"
