Malakas ang tili ng baklang assistant ni Alessandra nang aksidente niyang makalabit ang gatilyo ng hawak na baril.
"Ahhh! Madam, ano 'yon, bakit may pa-warning shot! Pati ako kinakabahan," bulalas ng assistant na si George este Georgina.
Mas lalong nahintakutan sina Suzette at Jessa nang marinig ang putok, mukhang walang sasantuhin si Aless kaya wala silang choice kundi ang maglakad papalabas ng bahay.
Dahil sa putok ay maraming nakikiusyoso sa kanila, para pa tuloy umayon sa kanya ang aksidenteng pagputok ng baril dahil maraming tao ang makakakita sa dalawa.
"Lakad!" utos niya nang tumigil ang dalawang babae sa may gate nang makita ang mga taong nasa labas ng gate na tila nakikiusyoso sa kanila. "Labas!" inis na wika. "Ano, nahihiya kayo pero kung makakabit kayo sa asawa ko, lantaran,
