Nabigla si Angel nang makita ang lalaking pahagos na papunta sa kinaroroonan niya. Buong akala niya ay si Trevor, bahagya pa naman siyang napangiti sa pagdating nito ngunit nagulat na lamang siya nang makilala ang lalaki, si Dexter.
"Dexter? A-Ano'ng ginagawa mo rito?" bulalas na tanong dito, hindi kasi alam kung bakit nito nalamang nasa ospital sila at saang ospital siya naroroon.
"Ha? Ah, uhmmm," anito na bahagyang umilap ang mga mata sa 'di malamang dahilan. "Ah, oo, nalaman ko kasi kay Marie na nandito kayo sa ospital ng anak mo," turan ni Dexter.
Bahagya namang nawala ang pagdududa ni Angel sa isinagot ng lalaki.
"Ayos lang ba siya?" usisa pa ni Dexter tukoy sa anak.
"Ayos lang naman, paalis na sana ako kasi dumating na sina Anne at Suzette. Halika, pasok ka," yakag sa lalaki.
