Nagitla si Suzette narinig ang pamilyar na boses kaya mabilis na iniangat ang tingin kahit hindi pa napupulot ang natapos laman ng ilang paper bag dahil sa pagkakabagsak nito.
"Ate Angel?" bulalas ring tugon.
Awtomatikong napakunot-noo si Angel nang makita ang napakaraming paper bag galing sa sikat na boutique sa mall. Agad naman napansin ni Suzette ang mapangdudang tingin ni Angel sa kanya.
"Pinahawak lang ito ng kaibigan ko, nag-CR kasi sila," mabilis na kaila sa pinsan.
Pagyuko ni Angel ay nakita ang isang credit card na hindi yata napulot ng pinsan kaya siya na ang yumukod at pumulot doon. Hindi niya maiwasang mapatingin doon dahil alam niyang hindi makapag-apply ang pinsan ng ganoon dahil jobless naman ito kaya na-curious siya.
"Akin na 'yan, ate," malakas na tinig ni Suzette nan
