Paalis na sana si Jessa nang maisipan niyang hanapin ang babaeng bumangga sa kanya, hindi ito basta-basta makakawala sa kanya, ang mahal-mahal ng bili niya sa dress na 'yon tapos mamamantiyahan lang ng ganoon-ganoon.
"Let's go, insan, huwag mong sabihing sisingilin mo pa talaga ang bata," puna ni Dexter sa kanya.
"Mauna ka na, magbabanyo lang ako. Kailangan kong linisan muna ang damit ko, it so stinky," maarteng wika ni Jessa.
Walang nagawa si Dexter kundi ang mauna tutal ay wala naman na siyang gagawin doon, kaya na rin ng pinsan ang umuwing mag-isa.
"Okay, o, huwag mo nang balikan ang bata," paalala niya kay Jessa bago ito tuluyang iniwan. Nang sulyapan ni Dexter ang babae ay nakitang may kausap itong lalaki sa table na kinaroroonan. Hindi na niya inusisa pa at mabilis na umalis.
Ma
