Napapalunok si Aless nang makita kung sino ang babaeng kakatok sana sa pintuang kanyang binuksan.
"Ate Patricia?" maang na wika na may pagdududa sa tingin. Paano nito nalaman ang townhouse na 'yon ni Nicholas? Kung anu-ano tuloy ang pumasok sa isipan ni Aless hinggil sa magkapatid.
"Aless," usal naman ni Patricia, hindi niya inaasahang maaahutan ito roon.
"Teka nga? Ano'ng ginagawa mo rito, ate?" naguguluhang tanong ni Aless kay Patricia.
"Huwag kang mag-isip ng masama, nagpunta lang ako rito upang kausapin si Nicholas, nalaman ko kay Richmond ang nangyayari sa inyo baka kasi—" putol na paliwanag ni Patricia nang sumabad si Aless.
"Baka kasi, ano, ate? Makatulong ka? My God, ikaw nga ang problema ng kapatid mo dahil feeling niya ikaw ang kailangan niya sa buhay, ikaw ang gusto niyang
