Habang papunta sa hotel ay hindi maiwasang maalala ni Trevor ang mga napag-usapan nila ng tiyahin.
"I came here kasi gusto kong pag-usapan natin ang tungkol kay Miss Angelika Ruiz, do you know her, right?" turan ng tiyahin.
Napalunok si Trevor, may sapantaha na siya sa gustong tumbukin ng tiyahin pero ayaw niyang pangunahan.
"Ikaw na ang nilapitan ko kasi nalamab kong dati mo siyang kasintahan at may pinagsamahan kayo," dagdag nito.
"Ano ang ibig niyong sabihin?" tanong niya dahil ayaw pang tumbukin ng tiyahin ang nais nitong mangyari.
"Simple lang naman ang gusto kong mangyari, Trevor, pagsabihan mo ang babaeng 'yon, kung hindi niya lulubayan ang Uncle Nicholas mo, mapipilitan akong sirain ang buhay niya maging ang bagong tayong kompanya niya. You know me, Trevor," tila banta pa ng
