Dama ni Angel ang tensyong bumabalot kay Dexter kaya nang mapansin nito ang mapagdudang tinging ipinupukol rito ay mabilis itong nag-iwas ng tingin at nagmamadaling umalis.
"I'm sorry, Angel, may pupunta pa kasi ako, we'll talk some other time," anito habang kipkip ang brown envelop.
"Sige, Dex, mag-ingat ka?" pahabol niyang wika sa lalaking medyo malayo na sa kinatatayuan.
Muling pinasadaan ang tingin ng pintong nilabasan kanina ni Dexter.
"Dr. Digna Fisher," basa sa pangalang nabasa sa pintuan.
Lumapit siya sa pinto upang katukin sana upang malaman ang ginawa roon ni Dexter pero naudlot ang gagawing pagkatok nang tumunog ang kanyang cell phone. Mabilis niya 'yong hinalungkat sa kanyang shoulder bag at nakitang si Samantha ang natawag. Nagdalawang-isip tuloy siya kung sasagutin ang
