KATRINA
LIMANG taon ang matuling lumipas, magmula ng umalis ako sa mansyon ni Eros Rodriguez ay wala kong naging komunikasyon sa kanila.
Sa mga panahong yon ay walang araw na hindi ko sila iniisip ni Aerol. Subalit kailangan ko silang kalimutan dahil hindi sila ang buhay na nararapat sa akin.
Kung hinayaan kong manatili ang koneksyon ko sa mag-ama noon. Baka hanggang ngayon ay alipin ako ng nararamdaman ko kay Eros. At mas lalo akong mahihirapang kalimutan sila. Tama lang ang naging desisyon ko noon. Sapagkat hindi si Eros ang lalaki para sa akin dahil asawa siya ng kakambal ko.
Sa mata ng Diyos at tao, hindi tama na maging kami. Parang nilunok ko na lahat ang dignidad at kahihiyan na meron ako. Kapag hinayaan kong magpatuloy ang anumang namamagitan sa amin.
“Mommy, I told you I'm
