Ala-una na ng madaling-araw. Lahat ng bisita sa birthday party ko ay nag-uwian na. Maliban kina Sugar, Charm, Carissa at Aileen. Napagkasunduan namin na manatili muna sa bagong bahay ko, at samahan nila ako sa unang araw ko dito. Tutal naman ay fully furnished na ang bahay. Ang nangyari, nagkaroon ng extension ang party ko, at nauwi sa pajama party, dahil lahat kami ay nakasuot ng pantulog na.
Nandito kami ngayon sa sala. Kumuha lang kami ng mga kutson sa mga guest room, at inilatag namin sa carpeted na sahig, para gawin naming higaan namin mamaya. Ako, nakaupo ako sa mahabang sofa. Samantalang si Aileen ay dun sa pang-isahang upuan. Sa kutson naman magkakalayong nakaupo sila Sugar, Charm, at Carissa.
May mga natira pang alak, at mga pagkain na siya naming ginawang pulutan. Inaaya nga n
